Forum 2.0

Die Man Kursus

 


Manwees vir die Here!

Hierdie kursus is saamgestel met die inset van heelwat vroue...

Daar is nuwe geestelike lewe onder mans.   Ons hoor van dinge soos "die "priester van die huis wees" en so aan. Wat beteken dit?  Dit is waaroor hierdie kursus gaan.  Ons kursus oor 12 weke dek die volgende temas:

  • ons begin (na 'n inleiding) op die regte plek (alhoewel nie so opwindend) by die feit dat die man en die vrou baie gemeen het, omdat hulle mense is. Soms word die verskille baie oordryf en ons moet begrip hê vir die ooreenkomste ook;
  • daarna beskryf ons die man in sy uniekheid - fisies en ook psigies;
  • daarna deel ons vir drie weke oor die man in sy verhoudings tot vroue - al daardie taai (en lekker) dinge en hoe om dit te hanteer;
  • daarna gaan ons na die man in sy rolle: vader, werker, koning, priester en profeet en
  • ten slotte deel ons oor die man as Christen en as geroepene;

Twaalf  temas altesaam.  Dan is daar 'n bylaag oor die kwessie van hoofskap en hulpskap in die huwelik, en ons is klaar.

Die kursus is vir almal, want ons deel almal met mans, nie waar nie? Daar is BAIE om te leer (ook vir vroue - dis deur 'n man geskryf!) Veral is dit vir vir mans..

  • mans wat hulle manwees geniet
  • mans wat die Here regtig wil dien
  • mans wat hulle rol in die huwelik (en hul vroue!) en in die wêreld beter wil verstaan
  • mans wat hul roeping beter wil verstaan
  • vroue wat hul mans beter wil verstaan, en
  • vroue wat hul mans wil help om die bg. temas beter te verstaan (ja, skryf in vir jou man!)
  • selleiers wat die tema in hulle kleingroepe wil bespreek
  • leraars wat die tema in hulle mannebediening of op 'n mannekamp wil gebruik.

Ons benadering is, soos altyd, Bybels, prakties, kontemporêr, en ek laat die heeltemal kontroversiële goed uit - hanteer jy dit maar op jou mannekamp! Nogtans is die kursus nogals eerlik en blatant en ons eerste een met 'n perk van 16 (sommige hoofstukke)...

MK0 - Inleiding

MK1 - Man as mens

 

Padlangs Kursusse word weekliks per e-pos uitgestuur aan die PADLANGS vennote wat daarvoor ingeskryf is. Dit is Christelike selfstudie-kursusse en bedoel vir geestelike groei. Daar is geen eksamens of assessering nie, en ook geen akkreditasie of sertifikaat nie.

Vir VOLLE inligting oor kursusbydraes en -reëls, kliek hier
Vir 'n oorsig oor AL ONS KURSUSSE, kliek hier
Skryf vir hierdie kursus in met die BLOU SKAKEL op hierdie blad: kliek hier


Kyk gerus deur die eerste dele deur op die grafika hieronder te kliek.

You need to be a member of jimileroux30 to add comments!

Join jimileroux30