Forum 2.0

4098 Lelie van die dale

1 Ek is ‘n narsing van Saron, ‘n lelie van die dale. Hoogl. 2:1 OAV

Hooglied bevat liefdesliedere tussen Salomo en sy bruid. Vroeëre uitleggers het egter ook die liefde tussen Christus en sy bruid daarin raakgesien. Op grond van die beskrywings in hierdie vers is Christus in die verlede dus die “Roos van Saron” en die “Lelie van die dale” genoem. Dis egter nie heeltemal korrek nie, want volgens die grammatika is dit die vrou wat hier praat! Dan het hulle ook nie werklik ‘n “roos” geken nie – dit was eerder ‘n soort narsing of tulp.

Weet jy wat? Dit maak nie saak nie! Hier was mense wat Bybelse terme gebruik het – wat hulle gedink het reg was – om die Here te besing. Dis wonderlik! Hulle het dit immers gedoen uit liefde: hulle harte wou Hom loof en prys en groot maak. Dis wat geliefdes doen, wat ‘n bruid doen. Dis wat die Bruid van die Here doen! Kyk, jou gesindheid tel meer as jou presiese woorde. Die Here waardeer jou lof, al is jou woorde bietjie verkeerd. Hy het jou ook lief!

Lelie van die dale, my hart loop oor van liefde vir U.  Vergewe my waar ek dit dikwels nie reg oordra nie. My insig is gebrekkig en my woorde skiet te kort. Gee my ‘n lied om U mee te prys! Amen.

Om in te skryf op hierdie gratis oordenkings, kliek hier.

Om blokkering te verhoed stel asb. hierdie pos as Safe Sender in jou Junk Mail Options.

Om meer oor ons huidige reeks, NAAM BO ALLE NAME, te lees, kliek hier

© 2019 DAAGLIKSE STILTE deur Jimi le Roux (Addisionele Lys) | www.jimileroux.com

1585512135?profile=RESIZE_710x

You need to be a member of jimileroux.com to add comments!

Join jimileroux.com

Email me when people reply –