Forum 2.0

 

Jammer om te hoor dat jou dagstukkies nie (meer) opdaag nie.  Die volgende kan dalk help...

1. Onthou, ons oordenkings kom nie elke dag nie....
Oordenkings verskyn net van Maandag tot Vrydag. Ons sluit ook 'n paar weke oor Desember.  Dalk het jy oor die naweek aangesluit en nog niks gekry nie?  Maandagoggend behoort dit daar te wees! Kyk op ons hoofblad vir 'n aankondiging oor ons sluiting oor die vakansies - die wat reeds dagstukkies kry, word dae vooraf reeds ingelig.

2. Dit is dalk net tydelik
As jy op 'n sekere dag nie jou oordenking ontvang het nie, is die fout dalk by jou bediener, wat om een van 'n verskeidenheid redes nie pos na jou posbus kan aanvaar of stuur nie. Dan sal jy dit waarskynlik later, of die volgende dag weer ontvang. Dit kan wees dat jou posbus vol is. Jy kan in die eerste plek dus net ‘n paar dae wag en kyk of die diens hervat.

3. Jou adres is dalk van die lys afgehaal
Pos wat herhaaldelik teruggestuur word as onaflewerbaar, word 'n week of so later outomaties van ons lyste verwyder. Ons kan ongelukkig niks daaraan doen nie.  As jy dus glad nie meer oordenkings ontvang nie, nadat jy dalk probleme met jou e-pos gehad het, moet jy net weer op ons lys registreer. Om dit nou te doen: kliek hier

4. Jou oordenkings word heel moontlik blokkeer...
As jy glad nie meer jou oordenkings ontvang nie, en jou naam is tog op die lys, is dit heelwaarskynlik omdat pos van ons lysprogram geblokkeer word deur ‘n spam-filterOns het op die oomblik veral probleme met g-mail.

'n Woordjie oor SPAM

Spam is ongevraagde gemorspos wat dinge adverteer wat jy nie wil hê nie en die internet oorlaai. Jy weet, advertensies vir Viagra, vals Rolex'e, grade wat jy oor die pos kan aankoop, phishing boodskappe van jou bank (kamtig) of die miljoene wat jy sou gewen of geërf het, sulke goed... Daar word elke dag seker 50 van daardie boodskappe van jou posbus weggekeer.  Ongelukkig word sommige deurgelaat en ander, egte pos, word ook afgekeer.  Ons oordenkins is natuurlik nie spam nie, want dit bestaan slegs uit vrywillige subskripsies. Nogtans word dit van tyd tot tyd afgekeer.  Onthou, sommige spam--filters (en mail-bedienaars by werkgewers) is soms so sensitief gestel dat alle pos geblokkeer word byvoorbeeld nie werksgeöriënteerd is nie, wat godsdienstige inhoud het, wat vloekwoorde of verwysings na seks het, wat te veel uitroeptekens, hoofletters, eksterne skakels, grafika, ens. het; wat sneller-woorde soos "free" of "sex" bevat, en vele meer.  Daar is ook heelwat tegniese redes.

Ook word pos summier blokkeer op instruksie van spam-programme wat mail-servers inlig oor watter bedienaars as spam aangemeld is of nie.  Sulke bedienaars word dan ge-greylist, soos hulle sê, en pos word vir 'n tyd blokkeer.  Mense kan bykans enige pos as spam aanmeld (soms per ongeluk) en dan word die betrokke pos blokkeer, en soms ook sommer alles wat van die bediener af kom. Jy kan dus daaronder ly as ander persone spam stuur deur ‘n bediener wat jy ook gebruik!  Ons doen ons bes hiermee, maar baklei soms teen die wind as van ons getrouste en dierbaarste vriende (en ondersteuners!) eenvoudig niks meer van ons kry nie, maar NIKS. Dis 'n baie groot frustrasie.

Wat kan jy doen?

  • Kyk heel eerste in Outlook of jou webmail program na jou Junk E-mail folder.  As dit daar is, word dit plaaslik blokkeer en kan jy dit hopelik remedieer deur dit te stel as Safe Sender.  Gaan soos volg te werk:
  • Eerstens kan jy net op jou laaste oordenking reply, om aan jou spam filter/e-pos program aan te dui dat daardie pos OK is.  Ja, reply met 'n leë e-mail, maar hoekom leeg, skryf vir ons hoe dit gaan!
  • Tweedens kan jy ons afsend-adresse in jou kontaklys opstel onder Padlangs, Jimi le Roux, of wat jy wil - info@jimileroux.co.za; padlangs@jimileroux.co.za, padlangs@telkomsa.net en oordenkings@gmail.com. Die filters sal oënskynlik nie iets blokkeer wat in jou Kontaklys is nie (ja, hulle gaan koekeloer daar)!
  • Derdens kan jy ons oordenkings as Safe Sender opstel:  maak jou laaste oordenking oop, gaan daar bo by jou menu na "Junk E-mail" of so iets (soek maar, dis daar). Stel dit dan as allow always, allow domain always of iets dergeliks.  Gaan kyk na jou settings en hoe dit daar werk - dis heel eenvoudig.  Doen dit sommer dadelik.
  • Jy kan op ons oordenkings inskryf op 'n ander adres, natuurlik.  Kry vir jou 'n outlook of ander adres (g-mail bied mos soms probleme) en stel dit ook op in jou Outlook (ja, jy kan - of lees dit op jou webmail-blad. Vra 'n rekenaar-outjie om jou te help..

Die blokkasie is egter meestal nie in jou Outlook nie, maar reeds vooraf by die werk se server of nog voor dit by die mailserver. Jy kan dus 'n versoek rig na julle IT afdeling of internet-diensverskaffer en hulle versoek om Padlangs te “whitelist”, of by te voeg by die lys van aanvaarbare kontakte. Praat met julle rekenaar-ou.  Jy kan ook self, as jy savvy het in die verband na jou mailprogram se control panel gaan en die saak daar (in die spam settings) gaan regstel.  Die e-posse wat ge-whitelist moet word is info@jimileroux.co.za; padlangs@jimileroux.co.za, padlangs@telkomsa.net en die in.m1e.net domein. Vir die tegniese ouens: die IP adresreeks 206.112.95.0/26.

ASSEBLIEF: moet Padlangs NIE as Junk Mail by jou stel nie - spamfilters tel dit op en kan dit vir jou blokkeer vir 'n lang tyd en sommer almal wat deur daardie server gaan - 100e mense...  As jy dit nie wil ontvang nie, teken doodgewoon af by die unsubscribe-skakel onder aan elke dagstukkie.  DANKIE!

Jy kan maar weet dat ons oordenkings WEL vanoggend van ons af uitgegaan het, en dat die fout iewers in die lyn lê. Soms vra mense: is julle nog daar...? JA, ons is!  Kan ek oor die algemeen vra om ons dadelik te laat weet as jy nie meer oordenkings kry nie.  Ons kan kyk wat gaan aan en probeer help.  Soms het ons geen beheer daaroor nie - maar het darem die volgende plan gemaak:

5. Skryf in op ons Addisionele Lys

Ons het 'n Addisionele Lys opgestel vir die wat met ons hooflys sukkel. Dit is nie so mooi of omvattend soos ons Hooflys (MailerMailer) nie, maar hei, dit werk. Dalk is dit maar die oplossing. Kliek op die skakel hieronder, vul bloot jou e-pos adres in, wag vir die verifikasie boodskap (wat binne 'n minuut of drie moet kom) en bevestig daarop soos aangedui. Dan is jy ingeskryf !  Jy kan wel van tyd tot tyd kyk of jy by ons Hooflys kan herregistreer.

Kliek hier om in te skryf op ons Addisionele Lys


6. Ek het 'n ander behoefte wat my oordenkings betref...

As jy jou besonderhede wil verander of wil staak....
As jy jou adres wil verander, of wil staak kan jy een van twee dinge doen. Jy kan jou naam weer op ons website intik, asof jy van nuuts af registreer. Dan sal die lys jou antwoord dat jy reeds geregistreer is, en jou verdere opsies gee. Met daardie opsies kan jy dan veranderinge aanbring of staak. Jy kan egter ook na http://www.mailermailer.com/x?oid=19909v gaan en die opsies daar volg.

As jy jou bevestigingsbrief weer wil ontvang….
As jy registreer is jou naam “pending” en word ‘n outomatiese bevestigingbrief na jou gestuur. Om jou registrasie te aktiveer moet jy op die brief se skakel, soos aangedui, kliek. Dan sal jy ‘n finale bevestiging ontvang. Dit kan wees dat jy daardie brief per ongeluk uitgewis het. Jy kan ook die bg skakel (http://www.mailermailer.com/x?oid=19909v) gaan en as bestaande lid aanmeld – tik jou e-pos in. Dan sal die bevestigingsbrief weer na jou gestuur word.

Terug na die Padlangs-inligtingsblad

You need to be a member of jimileroux30 to add comments!

Join jimileroux30

Email me when people reply –