Forum 2.0

Erna woon ook op een van daardie idilliese plekke.  Sy het ‘n paar jaar gelede begin om aan my te skryf uit Wallis. Haar man het ‘n adellike titel, en sy is eintlik ‘n (sy-antwoord-my-nie-hierop-nie) ‘n countess, of iets soortgelyk.  Ons verrassing was groot om jare later te ontdek dat sy die suster is van ‘n kollega wat ons in Johannesburg gehad het, en intussen ook goeie vriende van geword het (en tans baie, baie ernstig siek is).  Op grond van die lied (as ek Erna reg verstaan het) “Precious Pearl” wat ek op ‘n stadium op my webruimte gehad het, het sy haar pêrelwinkel “Precious Pearls” genoem.  Hier is wat sy skryf:  

 

Ek en my man Nino bly al 22jaar in Wallis. Sy werk is in die staalbedryf, dus het ons ons hier bevind (a.g.v. plaaslike staalbedryf). Ons 3 dogters het hier skool gegaan en gestudeer. Ons is baie gelukkig om elke jaar SA toe te kom na familie vir vakansie in die son!

 

Ons bly in Caswell Bay, Gower, Swansea wat ‘n klein skiereiland is van Wallis. Ons naaste groot stad is Cardiff. Dit is n reënerige plek, maar ook pragtig groen. Hier is mooi voëls en uile, jakkalsies en eekhorings, krimpvarkies en badgers wat ons gereeld sien. Baie van die plante hier het my herinner aan Engelse kinderrympies wat ek op skool geleer het, soos “Coccle Shells”. Die Lente is hier vir my die mooiste seisoen.

Caswell Bay

Caswell Bay vanuit ons voorkamer geneem op n sonnige dag! Twee maal per dag kom die gety in en loop weer heeltemal uit.

Ek het ‘n klein pêrelwinkel en geniet die kreatiewe aspek van iets nuuts skep met die klein kraletjies wat die oesters en mossels voortbring.

Ekke en ’n “Precious Pearls”-halssnoer.

 

Sowat 5 jaar gelede het ek afgekom op Padlangs en ingeskryf. Dit is ‘n groot vreugde in my dag en ek het al baie geleer en gegroei en sien uit na nog ‘n jaar se saamstap met God in my hart en my lewe!

Nota:

Hieronder is die mooi lied Precious Pearl - Kliek net op die skakel onderaan die blad, draai die volume oop en maak jou oë toe...  [As jou konneksie stadig is,kan jy dit bietjie laat opbuffer]. Die woorde is hieronder:

PRECIOUS PEARL  Scott Brenner © 1995 

Jesus, you’re the precious pearl, there’s no other in all the world -

so beautiful, who is like you?

Jesus, you’re the cornerstone, your foundation will stand alone,

no other love can satisfy... 

You are my portion, you are my satisfaction,

nothing else can take the place of loving you,  

you’re my inheritance, not as the world can give - 

your love is like a buried treasure,

precious pearl beyond all measure:

beautiful, so valuable...

You need to be a member of jimileroux30 to add comments!

Join jimileroux30

Replies are closed for this discussion.