'n Oorsig oor al Padlangs se kursusse

Kliek op die titel... 

...om deur te skakel na elke kursus se volle inligting:

Basis-kursusse

Hierdie kursusse loop oor bykans 'n jaar en is fundamenteel vir die geestelike lewe.  Maak dit 'n jaar van dissipelskap, 'n jaar van die Woord, 'n Jesus-jaar...


Geestelike Vorming

Ons basiese kursus - die eerste dinge wat vir 'n Jesus-volgeling belangrik is. 'n Dissipelskap-program oor 40 weke.

Geestelike Lewe

Ons opvolg op "Geestelike Vorming" - 40 weke van dieper inbeweeg in 'n geestelike lewe in. Ons leer kontemplatiewe en charismatiese praktyke aan. Leer om die gewone lewe geestelik te leef!

JESUS-notas

'n Jaar van meer leer oor Jesus: sy kultuur, familie, denke, beginsels,  boodskap, dade - om die Meester beter te ken! 40 weke.

Deur die Woord

'n Program oor 'n jaar (45 weke) waarin ons deur die Bybel gaan van Genesis tot Openbaring en die groot prentjie kry. Werk 'n slag deur die hele Skrif!

Veelkleurige Kleed

Ons kursus oor gebed - bedoel om jou heelwat dieper te neem, maar ook volkome vry te maak wat gebed betref!  Oor 45 weke (1 jaar).

Gevorderde geestelike kursusse

Ons noem dit gevorderde kursusse, omdat dit op ons basiese kursusse volg - en omdat dit jou dieper in die geestelike lewe inlei.

Geestelike Dissiplines

Die maak van ruimtes in my lewe vir God. Daar is geen dissipelskap sonder dissiplines nie! Ook Jesus het met dissiplines geleef. 18 weke.

Die Heilige Gees

Die Heilige Gees in my lewe.  'n Drie-in-een kursus: (1) die Persoon van die Gees, (2) gawes en bediening, en (3) sy salwing spesifiek tot Profesie, Tale en Genesing.  21 weke

Ons Vader

Ons volg Jesus se kursus oor gebed - die Ons Vader - frase vir frase en leer wat gebed werklik is. Sy gebed is so anders as ons s'n!  15 weke.

Liturgie vir die Lewe

Ons unieke kursus oor die antieke gebruik van "Die Ure", waarin ons leer om met Jesus deur ons hele dag - elke dag - te gaan.  "Bid altyddeur!" 11 weke.

Die Gelykenisse van Jesus

Ons bestudeer ELKE gelykenis van Jesus oor 24 weke en word weereens meegevoer deur die omgekeerde manier waarop Jesus die lewe beskou!

Naam bo alle name

Ons bestudeer oor 28 weke die name van God, Christus en die Gees in die Bybel. God se Name sê wie Hy is - leer HOM dus beter ken!

Toerusting

Hierdie kursusse is nuttig vir individue of vir gemeentes of kleingroepe

Innerlike Heling

'n Inleiding in pastorale beraad.  Werk na jou eie genesing toe en leer ook om ander te begelei in heling. 18 weke.

Die Man-kursus

'n Kursus vir manne oor hulle rolle, verhoudings en huwelik...  ideaal vir mannebediening of mannekamp.  12 weke.

Kleingroep-dinamiek

'n Kursus vir kleingroepleiers: die jongste materiaal oor die dinamiek en doelwitte van kleingroepe. Neem jou selgroep na 'n ander vlak! 12 weke.

Neem Leierskap

'n Kort maar deeglike inleiding (9 weke) in al die aspekte van leierskap.  Opgestel vir gebruik in die gemeente - ideaal vir 'n leierskamp.

Huweliksreis

'n Reis van 30 weke om jou huwelik te verryk.  Die praktyk rondom die temas "waarom verskil ons so" en "hoe oorkom ons dit". Ook ideaal vir die huweliksbediening!

Missionele Verhoudings

Om as 'n getuie van Jesus te leef is die natuurlike Christelike lewe.  Ons kyk oor 20 weke na die beginsels wat dit effektief en maklik maak. 'n "Evangelisasie-kursus".

Begeleiding

KIES-program

Ons opwindende program om 'n sinvoller toekoms te KIES - egte, gestruktureerde life coaching, stap vir stap, met persoonlike afrigting, in vier modules:

  • #1 - Basiese life coaching - persoonlike begeleiding: identiteit, situasie-verkenning, doelwitbereiking, verandering, ens.
  • #2 - Wellness - leef ryker: fisiese en psigiese gesondheid, verhoudings en grense, struktuur en orde, finansies, ens.
  • #3 - Geestelike begeleiding - persoonlike begeleiding van wie JY is en hoe JOU verhouding met God moet verdiep
  • #4 - "Tweede helfte" - leef jy in die tweede helfte van jou lewe? Ons bespreek dit vanuit elke hoek vir 'n maksimale lewe (beskikbaar Jul 2017)

Renovatio

Renovatio is coaching notas vir leraars en geestelike leiers - die doel is om leraars sterk te maak vir bediening en waarde toe te voeg.  40 weke.

Shot

Shot is coaching notas vir jeug op hoërskool - 'n weeklikse shot vir jou tiener oor studie, verhoudings, vakkeuses, geestelike dinge.  45 weke.

Ander geestelike kursusse

Diverse programme oor interessante geestelike temas

Sonde en Sin

'n Studie oor 20 weke oor die verskynsel van sonde.  Ons fokus ook op "doodsondes" soos hoogmoed, woede, jaloesie, wellus, ens.  Ons benadering is nugter, gebalanseerd en volwasse. Ons MOET en KAN sonde oorkom.

Groen Geestelik

Ons unieke kursus oor die aarde.  Ons praat van Christen tot Christen oor waarom die aarde in hierdie toestand is en wat ons daaraan moet doen. Dis ONS probleem en dit gaan nie weg nie! 10 weke.

Engele-notas

'n Kort studie in 6 dele oor die hemelwesens - wie is die engele, wat is hulle funksie en wat is ons houding teenoor hulle?  Ons bly net by die Woord - baie interessant!

Morele Kompas

Ons gaan deur die Dekaloog (die Tien Gebooie) gebod vir gebod, maar vanuit ons Nuwe Testamentiese verstaan van hoe die wet funksioneer. 15 weke. 

Openbaring - 'n Ope Boek

Openbaring hoef nie 'n geslote boek vir jou te wees nie! Oor 21 weke werk ons deeglik deur hierdie laaste boek van die Bybel en VERSTAAN wat Johannes sê!