SnapScan

 .. 

Gebruik SnapScan - die toekoms van betaling!

Tienduisende winkels, besighede, restaurante (asook baie kerke) gebruik tans SnapScan, wat betalings doodmaklik en doodveilig maak. Dis 'n betaling app. Jy mik net met jou selfoon op die twee-dimensionele kode wat by die kasregister van 'n winkel (soos hierlangsaan) staan, of op jou rekening gedruk is, tik dan die bedrag en jou PIN in en daar's hy - klaar betaal! Die winkel kry 'n kennisgewing en jy vat jou goed en loop. Geen kontant, geen kaart, geen niks. Die betaling gaan uit jou kredietkaart of aanlyn-debietkaart. Dis veilig, want jou kaartinfo word in gekodeerde vorm op jou selfoon geberg - niemand sien dit ooit nie.  Dit word deur Standard Bank gedryf, maar almal kan dit gebuik, alle Master en Visa kaarte werk - ongelukkig net in Suid-Afrika.

Kliek hier om meer oor SnapScan op hulle webruimte te lees.

  

Ons het ook SnapScan

As jy reeds SnapScan gebruik, weet jy reeds wat op te doen om tot Padlangs by te dra of vir 'n kursus te betaal - die kode is hierlangsaan.  Baie dankie!

   

Stel SnapScan op in 5 minute

As jy nie SnapScan het nie kan jy dit vinnig opstel (dit het my so 5 minute gevat) en dan is jy reg om op duisende plekke te betaal met jou selfoon alleen.  Doen dit soos volg:

  • Gaan met jou selfoon na jou App Store en download die SnapScan App - dis nie groot nie.
  • Jy stel dit op deur jou bank te kies, 'n paar vragies te antwoord en deur die App op jou kredietkaart (of die een wat jy wil gebruik) te mik. Hy gryp jou kaartbesonderhede sommer self.
  • Hy sal jou laat weet as alles reg is (hy trek 'n klein bedraggie af en sit dit weer terug om dit te toets) en of daar dalk 'n fout is (bv. verkeerde tipe kaart).
  • Jy moet dan ook op 'n e-pos bevestig dat dit jy is en so aan. Dan is jy reg!

 

 

 

 

 

Gaan terug na die Bydraes-blad